Bungee Fitness er skemmtilegt námskeið sem leggur áherslu á góða hreyfingu og liðavernd. Þetta námskeið hentar þeim sem vilja bæta úthald, styrk og jafnvægi með tryggum stuðningi teygjunnar. Það er ekki nauðsynlegt að hafa lokið Bungee Basics áður en þú tekur þátt í Bungee Fitness, þar sem við förum vel yfir helstu grunnatriðin. Hins vegar er það auðvitað ekki verra að hafa lokið Bungee Basics til að tryggja sterkari grunn og auðveldara ferli.

Námskeiðið er fjögurra vikna og hentar öllum – hvort sem þú hefur reynslu af Bungee æfingum eða ert að byrja. Á námskeiðinu verður unnið með æfingar sem hjálpa til við að bæta styrk, úthald og liðleika á öruggan hátt. Teygjurnar veita stuðning og minnka álag á liði, þannig að þú getur æft á þínum eigin hraða og styrkt líkamsbyggingu á áhrifaríkan hátt.

Hver tími hefst á upphitun sem undirbýr liði, kjarna og jafnvægi fyrir æfingarnar. Við vinnum með styrktar- og þolæfingar sem eru bæði krefjandi og aðgengilegar fyrir alla. Tíminn endar á rólegri niðurkælingu og teygjum sem hjálpa við endurheimt og liðavernd.

Bungee Fitness er frábært námskeið til að endurtaka! Námskeiðið er byggt upp þannig að þú getur endurtekið það án þess að upplifa að verið sé að gera allt aftur, eða finna fyrir því að þú sért ekki tilbúin í æfingarnar. Það hentar vel fyrir þá sem vilja bæta heilsu sína á eigin hraða og tryggja viðvarandi framfarir.

BUNGEE BLAST

Bungee Blast er háorku framhaldsnámskeið fyrir þá sem vilja fá sem mest út úr hverjum tíma. Hér er lögð áhersla á low impact – high intensity þjálfun, þar sem hraði, kraftur og úthald eru í forgrunni, með áframhaldandi stuðningi teygjunnar sem dregur úr álagi á liði.

Námskeiðið byggir á Bungee Bounce og hentar þeim sem eru tilbúin í meiri ákefð og áskorun. Tímarnir eru hraðari og krefjandi, með kraftmiklum æfingum og samsetningum sem reyna á þol, sprengikraft og einbeitingu, án þess að fórna öryggi eða góðri líkamsbeitingu.

Í Bungee Blast er lögð áhersla á skilvirka framkvæmd æfinga, góða stjórn og að nýta tímann vel til að ná sterkri og krefjandi líkamsræktarupplifun.

Bungee Blast er fyrir þau sem vilja ögra sér í Bungee Fitness, og námskeiðið má endurtaka eins oft og þú vilt, eins lengi og þú upplifir að það styðji við markmið þín og þína þjálfun, áður en þú heldur áfram eða breytir áherslum.
Einnig hægt að fara í áskrift og mæta í opna bungee tíma, í bland við fjölbreytt úrval okkar af afreyingum, allt eftir því hvað hentar þér hverju sinni.