Viðskiptavinir eru hvattir til þess að lesa skilmála þessa vandlega áður en þeir versla á vefsíðu Pole Sport.

Á vefsíðu Pole Sport gilda þessir skilmálar.

Með því að nota vefsíðu Pole Sport samþykkir og viðurkennir neytandi að hann hafi kynnt sér, skilið og samþykkt, án fyrirvara, skilmála þessa, eins og þeir eru á hverjum tíma.

Pole Sport áskilur sér rétt til að breyta reglum og skilmálum þessum án fyrirvara.

Almennir skilmálar áskrifta og meðlimakorta

ÁSKRIFTIR & MEÐLIMAKORT

Áskriftir taka gildi frá og með deginum sem þær eru keyptar, nema annað sé tekið fram.

Áskriftir endurnýjast sjálfkrafa á gjalddaga, nema uppsögn hafi átt sér stað einum degi fyrir settan gjalddaga og binditími ef slíkur er fyrir hendi er runnin út.

Uppsagnir áskrifta þurfa að berast með tölvupósti einum degi fyrir settan gjalddaga á polesport@polesport.is.
Ekki er hægt að segja upp áskrift símleiðis, með skilaboðum eða tilkynna kennara/starfsmanni í persónu. Allar uppsagnir áskrifta og meðlimakorta VERÐA AÐ VERA sendar með tölvupósti svo viðunandi starfsfólk fái beiðnina á sitt borð.

Notkun eftir uppsagnir: Þegar nemandi hefur sagt upp áskrift sinni getur hann enn nýtt áskriftina fram að næsta gjalddaga eða þar til binditími er runnin út (ef binditími á við).

Afgreiðsla uppsagna: Pole Sport gefur sér 5 virka daga til að afgreiða uppsagnir.

Endurgreiðsla: Hafir þú sagt upp áskrift þinni eigi síður en einum degi fyrir gjalddaga og binditími er yfirstaðinn eða ekki fyrir hendi en ert samt rukkuð, mun Pole Sport endurgreiða þér.

Klippikort: Klippikort eru ekki fryst, skipt eða endurgreidd.

Námskeið: Sjá almenna skilmála námskeiða.

Þjónustugjald: Pole Sport áskilur sér rétt til að innheimta þjónustugjald að upphæð 2.500 kr. ef greiðsla fer ekki í gegn við innheimtu á gjalddaga.

1. Almennir skilmálar námskeiða hjá Pole Sport

Skráning á námskeið hjá Pole Sport er bindandi eftirfarandi skilmálum og fer fram í gegnum vefverslun eða í verslun. Þátttakendur bera ábyrgð á að kynna sér námskeiðslýsingar, kröfur og fyrirkomulag áður en skráning er staðfest, til að tryggja að rétt námskeið sé valið miðað við reynslu og getu.

Pole Sport áskilur sér rétt til að sameina hópa, breyta stundaskrá eða fella niður námskeið eða staka tíma ef þátttaka er ekki nægileg eða aðstæður krefjast þess.

Við hvetjum þátttakendur til að lesa námskeiðslýsingar og skilmála Pole Sport vandlega áður en skráning fer fram. Ef einhverjar spurningar vakna, er viðskiptavinum alltaf velkomið að hafa samband við okkur.

2. Afbókunarreglur

• Full endurgreiðsla: Ef afbókað er með a.m.k. 7 daga fyrirvara fyrir námskeið, þá er hægt að fá fulla endurgreiðslu.
• Inneign: Ef afbókað er með minna en 7 daga fyrirvara, en meira en 48 tíma fyrirvara, er boðið upp á inneign hjá Pole Sport sem er gild í 2 mánuði frá afbókunardegi.
• Engin endurgreiðsla eða inneign: Ef afbókað er með minna en 48 tíma fyrirvara, er ekki boðið upp á endurgreiðslu eða inneign.
• Eftir að námskeið hefst: Ekki er boðið upp á endurgreiðslu eftir að námskeið hefst, nema í undantekningartilfellum (sjá lið 3).

3. Niðurfelling námskeiða

Ef Pole Sport þarf að fella niður námskeið (t.d. vegna of fárra skráninga), eiga viðskiptavinir rétt á fullri endurgreiðslu eða færslu á annað sambærilegt námskeið.
Aðildarskipti: Ekki er leyfilegt að selja eða færa aðild á milli einstaklinga.

Nákvæmni upplýsinga:

Reynt er eftir bestu getu að hafa réttar upplýsingar á vefsíðu Pole Sport. Upp geta komið mistök þar sem rangar dagsetningar eða aðrar upplýsingar koma fram með tiltekinni vöru og eru upplýsingar birtar með fyrirvara um almenn mannleg mistök.


Almennir skilmálar binditíma á áskriftir

Áskriftir hjá Pole Sport eru mislangar og sumar áskriftarleiðir eru með binditíma. Binditími er mislangur eftir áskriftarleiðum og viðskiptavini ber að kynna sér binditímann fyrirfram áður en þeir kaupa áskrift.

Ef áskriftin er með binditíma, þá greiðir viðskiptavinurinn fyrir alla þá mánuði sem áskriftin felur í sér og tilsettan binditíma. Viðskiptavini er frjálst að segja upp áskriftinni þegar honum hentar, en greiðslur eru sjálfvirkt rukkaðar þar til áskrift er sagt upp og bæði áskrift og binditími eru liðin.

Almennar reglur um binditíma og áskriftir:

Binditími er mislangur eftir áskriftarleiðum og viðskiptavini ber að kynna sér binditímann áður en kaup eru fest.

Ef áskrift er ekki með binditíma, getur viðkomandi sagt upp í síðastalagi einum degi fyrir settan gjalddaga (sjá almenna skilmála áskrifta og meðlimakorta) og binditími á því ekki við.

Greiðslur eru sjálfvirkt rukkaðar þar til áskrift er sagt upp og bæði áskrift og binditími eru liðin. 



Verð:

Öll verð á síðunni eru birt með fyrirvara um innsláttarvillur.

Pole Sport áskilur sér rétt til að hætta við námskeið, ef ekki næst skráning t.d. og einnig að breyta verðum eða hætta að bjóða upp á ákveðin námskeið/tíma fyrirvaralaust.

 Upplýsingar um vörur og verð

Pole Sport ehf selur vörur og þjónustu í verslun og á vefsíðu Pole Sport. Allt verð á vefsíðu Pole Sport er í íslenskum krónum og þær vörur sem eru virðisauka skatts skildar eru með virðisaukaskatti (VSK) og birt með fyrirvara um innsláttarvillur. Verð á vefsíðu Pole Sport getur breyst án fyrirvara t.d. vegna rangra verð upplýsinga eða rangrar skráningar.

Pöntun, greiðsla og rafrænn reikningur fyrir vörukaupum í vefverslun

Pole Sport ehf notar örugga greiðslugátt frá Teya á Íslandi. Hægt er að greiða fyrir vörukaup með kreditkortum frá Visa og Mastercard eða staðgreiða með debetkorti. Viðskiptavinur þarf að staðfesta greiðslu með 3D Secure öryggiskóða sem hann fær sendan í það símanúmer sem tengt er við greiðslukortið sem viðskiptavinur hyggst nota við greiðslu á vörukaupum.
Hægt er að greiða með Visa-og Mastercard og Applepay. Greiðslan er hröð og örugg í gegnum Korta greiðslugátt Teya.

Verslun

Kvittun fyrir kaupum er skilyrði fyrir vöruskilum.

Viðskiptavinur getur skilað ógallaðri vöru í allt að 14 daga frá þeirri dagsetningu sem vísað er til á kvittun og fengið hana að fullu endurgreidda. Endurgreiðslan miðast við það söluverð sem tilgreint er á kvittun fyrir kaupunum. Eftir 14 daga frá vörukaupum er gefin út inneignarnóta samkvæmt söluverði vörunnar á kassakvittun. Skilafrestur á almennri vöru er að hámarki 30 dagar.

Við vöruskil gilda eftirfarandi skilyrði:

• Að varan sé í fullkomnu lagi
• Að varan sé ónotuð
• Að varan sé í óuppteknum upprunalegum umbúðum

Pole Sport ehf metur söluhæfi skilavöru og áskilur sér rétt til að hafna vöruskilum eða bjóða takmarkaða endurgreiðslu ef skilyrðum er áfátt.

Upphæð vöru er ávallt endurgreidd inn á þann greiðslumiðil sem notaður var við kaupin.

Ef kaupandi telur sig hafa fengið afhenta gallaða vöru ber honum að tilkynna það í verslun eða með því að senda tilkynningu þess efnis á netfangið: polesport@polesport.is um leið og galla er vart. Að öðrum kosti getur kaupandi glatað rétti sínum til endurgreiðslu. Sýna þarf kvittun til staðfestingar að vara hafi verið keypt í Pole Sport. Sé vara gölluð fær kaupandu annað eintak af sömu vöru afhent.

Höfundaréttur

Allt efni sem birtist á vefsvæði vefverslunar s.s. texti, grafík, lógó og myndir, eru eign Pole Sport ehf.

Lög og varnarþing

Íslensk lög skulu gilda um viðskiptaskilmála þessa. Rísi ágreiningur milli aðila skal leitast við að leysa hann með samkomulagi. Um efni þessara viðskiptaskilmála eða vegna brota á þeim má bera viðkomandi mál undir kærunefnd þjónustu- og lausafjárkaupa hjá Neytendastofu. Ef ekki næst samkomulag skulu ágreiningsmál rekin fyrir Héraðsdómi Reykjavíkur. Heimilt er að vísa ágreiningi til gerðardóms ef báðir aðilar eru því samþykkir og skulu lög nr. 53/1989 um samningsbundna gerðardóma gilda um málsmeðferð fyrir gerðardómi.

Lög og varnarþing:

Skilmála þessa ber að túlka í samræmi við íslensk lög. Rísi mál vegna skilmála þessa skal það rekið fyrir héraðsdómi Reykjaness. Að öðru leyti en að ofan greinir gilda um skilmála þessa ákvæði gildandi laga um persónuvernd og meðferð persónuupplýsinga (nú nr. 77/2000), ákvæði laga um neytendasamninga nr. 16/2016, ákvæði laga um lausafjárkaup nr. 50/2000 eftir því sem við getur átt og ákvæði laga um neytendakaup nr. 48/2003. Allir frestir sem neytendur eiga rétt á í lögum um neytendasamninga byrja að líða þegar móttaka vöru hefur átt sér stað.